ఉత్తరాదిలో పుష్ప క్రేజ్ మామూలుగా లేదుగా!!!

 పుష్ప-2 ట్రైలర్ లాంచ్ బీహార్లో ఎందుకు చేసారు?

మన తెలుగు సినిమా ఇప్పుడు పాన్ ఇండియా సినిమా అయ్యింది దేశంలో ఎక్కడా తెలుగు సినిమా ఈవెంట్ చేసినా జనం ఎగబడి వస్తారు ఇప్పుడు. ఉదాహరణకు నిన్న బీహార్ రాష్ట్ర రాజధాని పాట్నాలో జరిగిన పుష్ప-2 ఈవెంట్ కి ఊహించని రీతిలో జనం భారీగా తరలివచ్చారు. అక్కడ ప్రభుత్వం కూడా 1200మంది పోలీసులతో బందోబస్తు కల్పించింది..

ఈవెంట్ గ్రాండ్ సక్సెస్ అయ్యింది...

మన తెలుగు రాష్ట్రాల్లో ఈవెంట్ చేసిన అంత జనం వచ్చేవారు కాదేమో...

ఈవెంట్ గ్రాండ్ సక్సెస్ కావడానికి కారణం పుష్ప కు ఉన్న క్రేజ్.. పుష్ప సినిమా పాటలు,కథ,హీరో మ్యానరిజం ఇవన్ని ఉత్తరాది ప్రేక్షకులకు బాగా ఆకట్టుకున్నాయి..

ఈ సినిమాలో హీరో క్యారెక్టర్ ఎర్ర చందనం స్మగ్లర్ అని తెలుస్తుంది (నాకు తెలియదా అంటే ట్రైలర్, ఎవరో చెబితే విన్నా తప్పితే నేను సినిమా చూడలేదు ఎందుకంటే 3గంటలు సినిమా చూసేంతా సమయం నాకు లేదు కాబట్టి నేను చూడలేదు వీలైతే అప్పుడప్పుడు సీరియల్ చూసినట్టు చూస్తాను)..

ఈ రోజుల్లో హీరో క్యారెక్టర్ ఎంత వైల్డ్ గా ఉంటే జనాలకి అంతగా కనెక్ట్ అవుతాడు సినిమా హిట్టవుతుంది..

అందుకే పుష్ప క్యారెక్టర్ జనాలకి బాగా కనెక్ట్ అయ్యింది.

ఉత్తరాదిలో ముఖ్యంగా బీహార్ అంటే మనకు గుర్తు వచ్చేది స్మగ్లర్లు,రౌడీలు, కూలీలు ఎక్కువ అభివృద్ధి తక్కువ. అందుకే బీహార్ ప్రజలు దేశంలోని అన్ని ప్రాంతాలకు వలస వెళుతుంటారు.. దేశంలో ఎక్కడ చూసినా బీహార్ కూలీలే ఉంటారు. అలాగే కిరాయి రౌడీలు కూడా బీహార్ వాళ్ళే ఉంటారు చాలా వైల్డ్ గా ఉంటారు... తమ జీవితాలకు పుష్ప కథ దగ్గరగా ఉండటంతో అక్కడ బాగా క్రేజ్ ఏర్పడింది.. 

ఇది నేను పుష్ప సినిమాని తక్కువ చేసి మాట్లాడటం లేదు.. సినిమాకు ఉన్న క్రేజ్ ఎలా వచ్చింది అని చెప్పానంతే ఫ్యాన్స్ ఏమనుకోవద్దు...

తెలుగు సినిమా పాన్ ఇండియా రేంజ్ లో హిట్టవుతే ఒక తెలుగు వాడిగా గర్వపడుతాను.. 

మరో విషయం చెప్పాలి పుష్ప సినిమా షూటింగ్ మా ఊళ్ళో జరిగింది... 

డైరెక్టర్ సుకుమార్ నా ముందునుండి వెళుతున్నాడు నేను గమనించలేదు. ఆయన వెనకాల ఓ ఐదారుగురు ఉన్నారు ఎవరో అనుకున్నా మా ఊరు అబ్బాయి డైరెక్టర్ సుకుమార్ వెళుతున్నాడు అన్నా అన్నాడు. అరే అవును నాముందు నుండే వెళ్ళాడు గుర్తు పట్టలేదు. సెల్ఫీ దిగుదాం అన్నాడు వద్దులే తమ్ముడు వాళ్ళ పనిలో వాళ్ళు ఉన్నారు వాళ్ళ పనిని మనం డిస్టర్బ్ చేయకూడదని నా పనికి నేను వెళ్ళాను... 

వాళ్ళు ఊరంతా తిరిగి ఒక మంచి పాత ఇంటి కోసం వెతుకుతున్నారు షూటింగ్ చేయడానికి.

వాళ్ళను ఆపి సెల్ఫీలు అడగడం బాగుండదు ఎవరి పని వారిని చేసుకోనియాలి. మన పని మనం చేయాలి అనుకుంటూ నాపనికి నేను వెళ్ళాను...

ఈ సారీ పుష్ప-2 భారీ విజయం సాధిస్తుందనడంలో సందేహం లేదు..

మన తెలుగు సినిమాలు ఇప్పుడు దేశవ్యాప్తంగా సూపర్ హిట్టవుతున్నాయి. ఒకప్పుడు ఇండియన్ సినిమా అంటే బాలీవుడ్ అనేవారు. ఇప్పుడు ఇండియన్ సినిమా అంటే టాలీవుడ్.. 

గాడిద పాల బిజినెస్ లక్షల్లో లాభాలు. మా ఫ్రాంచైజీ తీసుకోండి కోట్లు సంపాదించండి.

 గాడిద పాల బిజినెస్ లక్షల్లో లాభాలు... 

గాడిద పాలు ఆరోగ్యానికి చాలా మంచిది. మెడిసిన్, కాస్మోటిక్స్ లో వాడుతున్నారు.. ఇప్పుడు గాడిద పాలకు చాలా డిమాండ్ ఉంది. లీటరు గాడిద పాలు 1600/- రూపాయలు. ముందు ముందు 2000/- ఇంకా 7000/- వేల వరకు వెళ్ళొచ్చు. కాబట్టి ఈ బిజినెస్ చేసి నెలకు లక్షల్లో సంపాదించండి. 

గాడిదలు మాదగ్గరే ఉంటాయి కొనండి ఒక గాడిద వచ్చేసి 150000/- మాత్రమే. ఎన్ని గాడిదలు కొంటె అంతలాభం. 50 కొంటె ఒక రోజుకి 50లీ ×1600=80,000/- నెలకి 24,00,000/- మీ పెట్టుబడి రెండు నెలల్లో తీరిపోయి మూడో నెల నుండి అంతా లాభమే.

మా ఫ్రాంచైజీ తీసుకునెందుకు కొన్ని కండిషన్స్ ఉన్నాయి.

అదేంటంటే:-

*మా ఫ్రాంచైజీ ఫీజు 5లక్షలు

*మా దగ్గర ఒకేసరి 50గాడిదలు కొనాలి 

*గాడిదల కోసం ఆధునిక షెడ్డు లు నిర్మించుకోవాలి 

*పాలను నిల్వ చేయడానికి ఫ్రీజర్ లు ఉండాలి

*గాడిదలను మేపడానికి,పాలు పితకడానికి ట్రైనింగ్ ఇచ్చి పని వాళ్ళను మేమే  పంపిస్తాం 

*ఫాం లో సీసీ కెమెరాలు ఏర్పాటు చేయాలి.

*గాడిదల ఫాం మేమే నిర్మించి ఇస్తాం అందుకు డబ్బు కట్టండి...

ఇవి కండీషన్లు

ఇది విని ఒకాయన 50 గాడిదలు కొంటే,,,,

లాభం లెక్క వేసుకున్నాడు

రోజుకు 50గాడిదలు 50లీ పాలు×1600=80,000/-

నెలకి 80,000×30=24,00,000/-

సంవత్సరానికి 2 కోట్ల 88 లక్షలు..

వెంటనే క్లాస్ కు వెళ్ళాడు 50వేలు కట్టాడు.

ఫ్రాంచైజీ కీ 5,50,000/- కట్టాడు.

35,00,000/- కట్టి 50 గాడిదలు తీసుకున్నాడు.

గాడిదల ఫాం, ఫ్రీజర్ లు, కెమెరాలు,హంగులు అన్నింటికి కలిపి 70 లక్షలు వెచ్చించాడు,.

70+35+5.5+.5=1 కోటి 11 లక్షలు పెట్టుబడి పెట్టాడు.

పనివారు వాళ్ళు గుజరాత్ వాళ్ళంట వారికి వసతి భోజనం కల్పించి నలుగురికి నెలకి 50వేలు 

మొదటి రెండు నెలల్లో రెండుసార్లు మాత్రమే పాలు తీసుకెళ్ళారు. కాని డబ్బులు వేయలేదు. సరే ఇస్తారులే నమ్మకస్తులే ఇంత పెట్టుబడి పెట్టాం అని అలా 11 నెలలు చూసారు. పితికిన పాలు అలానే ఉన్నాయి. పని వాళ్ళకు మరో 5 లక్షలు ఫాం మెయింటెనెన్సికి కలిపి మొత్తంగా 1కోటి 30 లక్షలు అయ్యింది..

పాలు తీసుకెళ్ళడం లేదు ఫోన్లో సంప్రదిస్తే సమాధానం లేదు. ఇక లాభం లేదనుకుని తమిళనాడులోని అతని ఆఫీసుకి వెళ్ళి అడిగితే వారంలో ఇస్తాను అని అన్నాడు.  వారం తర్వాత అతని జాడలేదు 

అప్పుడు తెలిసింది ఏంటంటే పోయాం... మోసం..

కోట్ల రూపాయలు మోసపోయారు..

ఒక పది రూపాయలు  పేదవాడికి దానం చేయడానికి పదిసార్లు ఆలోచిస్తారు ఈరోజుల్లో. లక్షల, కోట్ల రూపాయలు ఇలా పెట్టుబడి పెట్టేటప్పుడు ఆలోచించారా??

ఈ రోజుల్లో మనిషికి ఆశ కాదు అత్యాశ విపరీతంగా పెరిగిపోయింది.. డబ్బు,డబ్బు లాభాలు, లాభాలు కోట్లకు పడగెత్తాలి పెద్ద పెద్ద బంగళాలు కట్టాలి,పెద్ద కార్లలో తిరగాలి. అందరిలో కంటే మనమే గొప్పగా బ్రతకాలి ఇలా అత్యాశకు పోయి ఉన్నదంతా ఊడ్చేసుకుని ఇప్పుడు బాధపడుతున్నారు.

ఆశకు హద్దు ఉండాలి. మోసం చేసిన వాడిది తప్పే. కాని మీ అత్యాశే వాడి లాభం... లాభాల లెక్కలేసుకుని గాల్లో తెలిపోతారే తప్ప అది ఎంత వరకు సాద్యం ఆలోచించరు.

ఇలాంటి స్కాం లు ఎన్ని జరిగినా దురాశపరులు మోసపోతూనే ఉంటారు...

పచ్చని ప్రకృతిని నాశనం చేసే ఫార్మా సిటీలు ఎందుకు?? రైతుల ఆగ్రహం అందుకే..

వికారాబాద్ జిల్లా దుద్యాల మండలం లగచర్ల గ్రామంలో

నవంబర్12 సోమవారం అంటే నిన్న వికారాబాద్ కలెక్టర్,సబ్ కలెక్టర్,ఇతర అధికారులపై రైతులు దాడి చేసారు.

ఫార్మా సిటి కోసం భూసేకరణ చేయడానికి రైతులతో మాట్లాడాటానికి వెళ్ళిన అధికారులపై రైతులు దాడి చేసారు. రాళ్ళతో కార్ల అద్దాలు ధ్వంసం చేశారు.

 అధికారలపైనే రైతులు దాడి చేసారంటే అందులోను జిల్లా కలెక్టర్ పై దాడి. రైతులు ఎంత ఆగ్రహంతో ఉన్నారో అర్థం చేసుకోవచ్చు. 

వాళ్ళ ఆగ్రహం మాత్రమే అందరికి కనిపిస్తుంది ఆ ఆగ్రహం వెనక వారి ఆవేదన ఎంతమందికి తెలుస్తుంది.??

రైతుల కోపానికి కారణం ఏంటంటే

ఫార్మా కంపెనీలు వస్తే ఆ ప్రాంతం అంతా కాలుష్యమవుతుంది.గాలి,నీరు,భూమి అన్ని కలుషితమవుతాయి. పచ్చని ప్రకృతి ని నాశనం చేసే ఫార్మా కంపెనీలు కడుతాం అంటే ఎవరు ఊరుకుంటారు.

తరతరాలుగా వ్యవసాయం చేస్తూ జీవనం సాగిస్తున్న రైతుల భూములు లాక్కుని ఫార్మా కంపెనీలు కడుతాం అంటే ఎవరు ఊరుకుంటారు.

భూముల ధరలు కోట్లలో పలుకుతుంటే లక్షలో పరిహారం ఇస్తామంటే ఎవరు ఊరుకుంటారు.

భూములు లాక్కుంటే రైతుల ఉపాధి సంగతి ఏంటి?

వారు ఎక్కడికి వెళ్ళి బ్రతకాలి.

ఆ కంపెనీలో ఉద్యోగాలు వస్తాయి అంటారు వారు స్థానికులకు ఇచ్చే ఉద్యోగాలు స్వీపర్,లేబర్ ఉద్యోగాలే వెట్టి చాకిరి చేయిస్తారు. అందులో చాలి చాలని వేతనం మనవాళ్ళు ఇలాంటి పని చేయలేక మానేస్తారు వాళ్ళు బిహార్ వాళ్ళను పనిలో పెట్టుకుంటారు రోజుకు 12గంటలు పని చేయించుకుంటారు. స్థానిక ప్రజలు వలసలు వెళ్ళాల్సిందే.

ఉద్యోగాలు పోని భూమికి పరిహారమైనా తగిన విధంగా ఇస్తారా అంటే అదీలేదు. 

ప్రభుత్వం ఎకరా భూమికి ఇచ్చే పరిహారంతో బయట ఎక్కడా 100 గుంట భూమి రాదు.

చాలిచాలని ఆదాయంతో బ్రతుకుతున్న రైతులకు ఎలాంటి సహాయం చేయకపోగా వారి  భూములు లాక్కుని వారి పొట్ట కాడుతాం అంటే ఎవరు ఊరుకుంటారు??

 టి ఆర్ ఎస్ ప్రభుత్వంపై వ్యతిరేకతతో కాంగ్రెస్ ను గెలిపించారు రైతులు.

గెలిపించిన పాపానికి ఇచ్చిన హామీలు నెరవేర్చక పోగా మీ భూములు లాగేసుకుంటా అంటే ఎవరు ఊరుకుంటారు? 

ముఖ్యమంత్రి రేవంత్ రెడ్డి ఇలాంటి నిర్ణయాల వల్ల ఏడాది గడవకముందే ప్రజల్లో వ్యతిరేకత మొదలైంది.

కేసీఆర్ పాలనే బాగుండే అనవసరంగా రేవంత్ రెడ్డిని గెలిపించాం అని జనాలు ఇప్పుడు బాధ పడుతున్నారు.

మరీ ముఖ్యంగా రైతులు.

రేవంత్ రెడ్డి రైతులకు ఇచ్చిన హామీ ఒక్కటి నెరవేరలేదు

రుణమాఫీ లేదు, రైతు భరోసా లేదు.

ఒక్క బస్ టికెట్,గ్యాస్ సిలిండర్ తప్ప ఏ హామి నెరవేరలేదు. 

సరే ఇవేమి అక్కర్లేదు ఇవ్వకున్నా పర్వాలేదు. కానీ మా భూములు గుంజుకుని అరకొర పరిహారం ఇచ్చి మమ్మల్ని వెళ్ళగొట్టాలని చూస్తే తిరగబడక ఏం చేస్తారు...

ఏ ప్రభుత్వమైనా కార్పొరేట్ కంపెనీలకు లాభం చేకూర్చేవే కాని రైతులు బాగుండాలి వారికి లాభం చేకురాలని ఏప్రభుత్వం, ఏ నాయకుడు ఆలోచించడు.

 రైతుల భూములు లాక్కోవాలి వారిని తరిమి వేయాలి అని చూస్తారే తప్పా వారికి మంచి చేయరు. ఎందుకంటే రైతులు బలహీనులు వారి తరపున అడిగే వారు ఎవరు ఉండరు అందుకే రైతులపై పడి వారి పొట్ట కొడతారు మన గొప్ప నాయకులు..

ప్రజల్లో రేవంత్ రెడ్డి ప్రభుత్వం పై తీవ్ర వ్యతిరేకంగా ఉన్నారు. కేవలం ఒక ఏడాది గడవకముందే...

హోటల్లో ఆహారం అంత టేస్టీగా ఎందుకుంటాయబ్బా.?

 ఈ రోజు సండే హోటల్లో తిందాం . ఆ హోటల్లో రుచి చాలా టేస్టీగా ఉంటుంది...

ఇంట్లో కంటే హోటల్లో వంటలు అంత టేస్టీగా ఎందుకుంటాయబ్బా...

ఎందుకంటే 

కుళ్ళిపోయిన కూరగాయలు,..

బూజు పట్టిన అల్లంవెల్లుల్లి,..

గడువు తీరిన మసాలాలు,..

జిడ్డుపట్టిన వంటపాత్రలు,..

తారు లాంటి మంచి నూనె,.. 

బొద్దింకలు, ఎలుకలు స్వైర విహారం చేసే వంటగది,..

పాన్ పరాగ్ నములుతూ...  వంట చేసే వంట మాస్టార్...

ఇవన్ని ఫుడ్ సేఫ్టీ అధికారులు హోటల్స్, రెస్టారెంట్లలో తనిఖీలు చేస్తే బాయట పడ్డ టేస్టీ సీక్రెట్స్...

ఇంత కళాత్మకంగా చేయడం వల్లే బయట హోటల్లో ఆహారం చాలా టేస్టీగా ఉంటుంది. ఇంట్లో ఇలా చేయడం సాధ్యం కాదు కాబట్టి.

జనాలు హోటల్లో ఎగబడి తింటారు..

ఇలా అన్ని హోటల్లో ఉంటుందని కాదు కొన్ని హోటల్ వాళ్ళు చాలా శుభ్రంగానే చేస్తారు.

ఓలా నాణ్యత డొల్లా

 ఓలా అంటే ఒకప్పుడు క్యాబ్ సర్వీస్ అందించే సంస్థ.ఇప్పుడు ఎలక్ట్రిక్ స్కూటర్ లను తయారు చేసే కంపెనీ. 

ఓలా మొదట్లో క్యాబ్ సర్వీసులను అందించి బ్రాండ్ ఇమేజ్ ను పెంచుకుంది. జనాల నోళ్ళలో ఓలా పేరు మారుమోగింది. ఓలా ఓ పెద్ద బ్రాండ్ అయ్యింది. ఒక కంపెనీ బ్రాండ్ ఇమేజ్ వచ్చాక ఇక ఏరంగంలో ప్రవేశించిన తిరుగుండదు. అది అనుభవం లేని రంగం అయినా..

అలా క్యాబ్ సర్వీస్ అందించే ఓలా బ్రాండ్ ఇమేజ్ వచ్చాక

అంటే "జనాల నోళ్ళలో ఒక పేరు నానింది అంటే అదే బ్రాండ్ ఇమేజ్". అది ఓలాకు వచ్చింది ఒక కంపెనీకి బ్రాండ్ ఇమేజ్ వచ్చాక ఊరుకుంటుందా విస్తరించుకోవాలని ఇతర రంగాల్లో ప్రవేశించాలని చూస్తుంది. అలా ఓలా ఎలక్ట్రిక్ స్కూటర్ల తయారి రంగంలోకి వచ్చింది. 

బ్రాండ్ ఇమేజ్ వచ్చాక పెట్టుబడులు వెల్లువలా వచ్చి పడతాయి. బ్రాండ్ వచ్చేవరకే కష్టపడాలి ఒకసారి వచ్చిందంటే ఇక పెట్టుబడులకు తిరుగుండదు. అలా ఓలా కు కూడా పెట్టుబడులకు కొదవలేదు.

వెనువెంటనే ఎలక్ట్రిక్ స్కూటర్ తయారి రంగంలోకి దూకి విదేశీ స్కూటర్ కంపెనీని కొనేసి చెన్నై లో ప్లాంటు రెడి చే‌సి ఉత్పత్తి ప్రారంభించి మార్కెట్లో విడుదల చేసారు.బ్రాండు మహిమ జనాలు విరగబడి కొన్నారు.

తర్వాత ఓలా స్కూటర్లు లో ఒక్కో సమస్య రావడం ప్రారంభం అయ్యింది. స్కూటర్ ముందు చక్రం విరిగిపోవడం,బ్యాటరీలో మంటలు రావడం, సాంకేతిక సమస్యలతో ఆగిపోవడం ఇలా పలు రకాల సమస్యలతో వినియోగదారులు ఇబ్బందులకు గురి అయ్యారు.

తమ సమస్య పరిష్కారం కోసం ఓలా కంపెనీని సంప్రదిస్తే సరైనా పరిష్కారం లభించక కోపంతో స్కూటర్లు తగలబెట్టడం,షోరూం ను కూడా తగులబెట్టారు. ఇంత జరిగినా ఓలా కంపెనీ సరైనా పరిష్కారం చూపలేదు.

వీళ్ళకి కేవలం బ్రాండ్ ఇమేజ్ తప్ప క్వాలిటీ లేదు అంతా డొల్లా..

ఈ రోజుల్లో ఎలాగోలా చేసి ఒక కంపెనీ పెట్టీ బ్రాండ్ సంపాదిస్తున్నారు దాని ద్వారా పెట్టుబడులు ఆకర్షించి ఇంకా పెద్ద స్థాయికి ఎదగాలని చూస్తున్నారు. ఇలా చేయడం తప్పుకాదు కానీ మనం ఉత్పత్తి చేసే వస్తువు నాణ్యమైనదిగా ఉండాలి, ఆలాగే మన సేవలు వినియోగదారులకు అందుబాటులో ఎప్పుడూ ఉండాలి.అంతేకాని ఒక బ్రాండ్ సంపాందించి ఏదో చెత్త అమ్మిన జనాలు కొంటారు అనే భ్రమలో ఉండొద్దు ఇలా అయితే చివరకు బ్రాండ్ బైజూస్ అవుతుంది అంటే కనుమరుగై పోతుంది.

నా అభిప్రాయం ప్రకారం అసలు ఓలా స్కూటర్ను చూస్తేనే తెలుస్తుంది అందులో నాణ్యత లేదని,అలాగే ఆ డిజైన్ బాగుండదు అసలు జనాలు ఎలా కొంటారో వీటిని అంతా బ్రాండ్ మహిమ. అసలు ఎలక్ట్రికల్ వాహనాలు 100శాతం ఎలాంటి సమస్యలు లేకుండా ఉండాలంటే మరో పది సంవత్సరాలు పడుతుంది ఎందుకంటే ఇంకా వీటిపైనా ప్రయోగాలు చేసి సమస్యలు పరిష్కరించి అప్పుడు మార్కెట్లోకి వదలాలి. అంతేకాని ఏదో చైనా నుంచి విడిభాగాలు తెప్పించి ఇక్కడ అతికించి మేడిన్ ఇండియా ఓలా అంటే నాణ్యత డొల్లే అవుతుంది.

ఇప్పుడు ఓలా కూడా మరో బైజూస్ అవుతుంది ఇందులో సందేహం లేదు..

గానుగ నూనెలే వాడాలి

 మనం తినే వంటనూనెలు అంతా కల్తీయేనా??

నేను చాలాసార్లు దీని గురించి విన్నా..

ఒక లీటరు వేరుశనగ నూనె ప్రస్తుతం 150/- రూపాయలు

ఒక లీటరు వేరుశనగ నూనెకోసం ఎన్ని కిలోల వేరుశనగలు అవసరం అవుతాయి..

దాదాపు 4కిలోల వేరుశనగలు మరపట్టిస్తే ఒక లీటరు నూనె వస్తుంది. 

ఒక కిలో వేరుశనగలు 150 రూపాయలు, 4కిలోలకి 600 రూపాయలు అయితే, 600 రూపాయలకు లీటరు నూనె ఉండాలి మరి 150రూపాయలకు ఎలా అమ్ముతున్నారు.?

గానుగ నుండి తీసిన తవుడు అమ్ముకున్నా 500 రూపాయలన్నా ధర ఉండాలి. కాని 150కే ఎలా అమ్ముతున్నారు..? అది మంచినూనె నా లేదా ఇంకేమైనా కలుపుతున్నారా..?

ఇవన్ని ఎవరు పట్టించుకోరు మనకెందుకులే అని వదిలేస్తుంటారు. అందరు అలాగే తింటున్నారు మనం అలాగే తిందాం అంటారు. మరికొందరు మనం చెబితే ఎవరు వింటారు అని కొంచెం జాగ్రత్తగా మంచి ఆహారం తింటారు.

నిజమే ఎవరు చెబితే ఎవరూ వినరు.

మన ఆరోగ్యం మన చేతుల్లో ఉండాలంటే వంటనూనెల విషయంలో జాగ్రత్త వహించాలి. మనమే స్వయంగా వేరుశనగలు కొని గానుగ లో వేయించి నూనె తీసుకోవాలి అప్పుడే మనకు స్వచ్ఛమైన మంచి నూనె లభిస్తుంది.

ఈ కల్తీ నూనెలు తిని ఆరోగ్యం పాడుచేసుకునే బదులు కొంచెం కష్టమైనా దగ్గరుండి గానుగ లో నూనెలు తీసుకుంటే మన ఆరోగ్యం మన చేతుల్లో ఉంటుంది..

ఒక్క నూనె విషయంలోనే కాదు తినే ఆహారపదార్థాలు అన్నింటిని దగ్గరుండి మర పట్టించాల్సిందే. పిండి,కారం,పసుపు,అల్లం వెల్లుల్లి ఇలా అన్ని మనం దగ్గరుండి మర పట్టించాల్సిందే..